Almatyda aýasy eń las jer anyqtaldy
ALMATY. QazAqparat – Almatyda bir aptada aýa lastaný kórsetkishi 46 ret qalypty deńgeıden asqan, dep habarlaıdy QazAqparat tilshisi.
«Kazgıdromet» RMK eldegi atmosferalyq aýanyń tazalyǵy kórsetkishin jarııalady.
2020 jyly 23-29 maýsym aralyǵynda Qyzylorda, Petropavl, Pavlodar qalalarynda bir ret te aýanyń lastaný shekti kórsetkishi tirkelmegen.
Atyraýda shekti kórsetkishten aýanyń lastanýy 111 ret asqan.
Aqtóbe qalasynda 40 jaǵdaı tirkelgen. Ásirese Shanhaı 4 aýdanynda Rysqulov kóshesi aýdanynda aýanyń lastyǵy baıqalǵan.
Nur-Sultan qalasynda aýanyń lastanýynyń shekti kórsetishi 165 ret qalyptan asqan.
Aýa Aqjol kóshesi (JEO), Kóktal-1, Shapaǵat kommýnaldy bazary mańynda las bolǵan.
Almatyda aýanyń lastaný kórsetkishi 46 ret qalyptan asqan. Eń joǵary kórsetkish Bostandyq aýdanyndaǵy ál-Farabı atyndaǵy QazUÝ ýnıversıteti mańynda tirkelgen.
Balqash qalasynda aýa lastanýynyń 61 jaǵdaıy tirkeldi.
Aýa Lenın kóshesiniń mańynda óte las bolǵan. Qazaqstannyń basqa qalalarynda aýany lastaıtyn jekelegen zattardyń qalypty normadan asýy baıqalmaǵan.
