Almatyda aýanyń tazalyǵyn baqylaıtyn datchık ornatylady
ALMATY. QazAqparat — Azııa damý banki (ADB) qala turǵyndarynyń densaýlyǵy men ómir súrý sapasyn jaqsartýǵa kómektesý úshin Almaty qalasynyń ákimshiligine aýa sapasyn baqylaýǵa arnalǵan 50 Clarity Node-S qurylǵysyn syıǵa tartty, dep habarlaıdy QazAqparat tilshisi.
Qurylǵylar «Almaty-Bishkek ekonomıkalyq dálizi» tehnıkalyq kómek kórsetý jobasy aıasynda berildi.
«Biz Almaty qalasynyń turaqty damýyna kómektesýge árdaıym daıynbyz. Aýa sapasyn baqylaıtyn datchıkter qorshaǵan ortany jaqsartýǵa kómektesedi «, - dedi Azııa damý bankiniń (ADB) Qazaqstandaǵy ókildiginiń dırektory Narıman Mannapbekov.
Datchıkter aýadaǵy kúkirt dıoksıdi (SO₂), azot dıoksıdi (NO₂), kómirtegi oksıdi (CO), ozon (O₃), PM₂ˌ₅ jáne PM₁₀ bólshekterin anyqtaıdy.
Bul qurylǵylardy ornatý arqyly qaladaǵy aýa sapasynyń ózgerýin kun saıyn baqylap otyrýǵa bolady. Osylaısha qala bıligi aýanyń lastaný sebebin anyqtaı alady.
Quraldardy tapsyrý rásimine Almaty qalasy Jasyl ekonomıka basqarmasynyń basshysy Natalıa Lıvınskaıa men «Qazgıdromet» RMK Almaty qalasy boıynsha fılıaly dırektorynyń orynbasary Álııa Nurbatsına da qatysty.
