Almatyda aýanyń tazalyǵyn baqylaıtyn 350 datchık ornatylady
ALMATY. QazAqparat – Almatyda aýanyń lastaný deńgeıin baqylaýǵa arnalǵan 350 datchık ornatylady, dep habarlaıdy QazAqparat tilshisi.
Bul qurylǵylar DSU klassıfıkatsııasyna saı aýadaǵy kúkirt dıoksıdi (SO₂), azot dıoksıdi (NO₂), kómirtegi oksıdi (CO), ozon (O₃), PM₂ˌ₅ jáne PM₁₀ bólshekterin anyqtaıdy.
Bul qurylǵylardy ornatý arqyly qaladaǵy aýa sapasynyń ózgerýin kun saıyn baqylap otyrýǵa bolady. Osylaısha qala bıligi aýanyń lastaný sebebin anyqtamaq. Sondaı-aq, jylyna atmosferaǵa tastalatyn zııandy zattardy 5%-ǵa azaıtý kózdelgen.
Jasyl ekonomıka basqarmasynyń bastamasymen qalanyń ekologııalyq aýhalyn jaqsartýǵa keshendi sharalar qabyldanǵan.
Qalada gazben júretin avtobýstardyń qataryn kóbeıtkeli beri aýaǵa bólinetin zııandy zattardyń kólemin jylyna 2,33 myń tonnaǵa azaıtýǵa múmkindik týdy.
Sondaı-aq, Jylý elektr stansalary da kógildir otynǵa kóshirilip jatyr. Turmystyq qaldyqtardyń 44 paıyzyn óńdep, polımer materıaldaryn shyǵarýǵa baǵyttalǵan zaýyt salý kózdelip otyr.
Bıyl 14 myń jasyl jelek otyrǵyzyldy. Jyl sońyna deıin olardyń sanyn 40 myńǵa jetkizý kózdelgen.
