Almatyda aýanyń lastanýymen kúresý úshin qandaı sharalar qabyldanady
ALMATY. QazAqparat - Almaty qalasynyń aýasynyń lastanýy qazirgi ýaqytta ózekti máselelerdiń biri. Aýany lastaýdyń negizgi kózderi avtokólik shyǵaryndylary, jylý energetıkalyq keshender (JEO-2,3), Almaty men Almaty aglomeratsııasynyń gazdandyrylmaǵan úıleri men saıajaılary, óndiristik kásiporyndar. Bul týraly Bul týraly qala ákiminiń orynbasary Asqar Amrın aıtty, dep habarlaıdy QazAqparat tilshisi.
Spıkerdiń sózinshe, 2021 jyly zalaldy zattardyń jalpy kólemi 127 myń tonnaǵa jetti. Onyń ishinde 70 myń tonna – avtokólikten, 46 myń tonna – statsıonarlyq kózderden (onyń ishinde 36 myń tonna JEO-2), 11 myń tonna-jeke sektordan.
«Almaty qalasyn 2025 jylǵa deıin jáne orta merzimdi perspektıvalardy 2030 jylǵa deıin damytý baǵdarlamasy» aıasynda aýaǵa keri áser etetin zalaldy zattardy azaıtý jáne qorshaǵan ortany jaqsartý boıynsha kezeń-kezeńmen júzege asatyn sharalar ázirlendi. Almatyda 2023 jylǵa deıingi damý baǵdarlamasyna sáıkes paıdalanylǵan gazdardyń ýyttylyǵy men tútindigi normalaryna sáıkestigine avtomobıl shyǵaryndylaryn ólsheýdi júrgizý qaǵıdalary qabyldanady, avtokólikterge ekologııalyq synyp berý týraly reglament daıyndalady. Qujat Eýrazııalyq ekonomıkalyq odaqtyń ekomarkırovka jasaý jónindegi tehreglamentine sáıkes bolamaq»,- deıdi qala ákiminiń orynbasary.
Sonymen qatar, ol 2025 jylǵa deıin aýany lastaıtyn zalaldy zattardyń deńgeıi tómen aımaqtarǵa kóliktiń kirýin shekteý úshin avtomobılder ekomarkırovkalanady.
«2025 jyldyń sońyna deıin kommýnaldyq tehnıka – dızel otynymen jumys júretin 3,4 myń arnaıy tehnıka men avtobýstar gazǵaaýystyrylatyn bolady. Bul zalalady zattardy jylyna 1 myń tonnaǵa azaıtýǵa múmkindik beredi»,- deıdi spıker.
Sonymen qatar, ol Almatyda jeke turǵyn úı sektoryn gazdandyrý deńgeıi 99,2%-ǵa jetkenin atap ótti.
« Desekte, áýe bassıeniniń lastanýyna Almaty aglomeratsııasy da keri áserin tıgizýde. onda magıstraldyq gaz qubyrynyń bolmaýyna baılanysty 82 myńǵa jýyq úı gazdandyrylmaǵan. «QazTransGaz Aımaq» AQ -nyń 2022-2026 jyldarǵa arnalǵan ınvestıtsııalyq baǵdarlamasymen Almaty aýmaǵynda 23,2 km taratýshy gaz qubyrlaryn salý josparlanǵan, bul 355 turǵyn úıdiń jelilerine qoljetimdilikti qamtamasyz etedi. Almaty 2023 jylǵa qaraı 99,4%-ǵa gazdandyrylady»,-deıdi ol.
Jalpy Almaty aglomeratsııasynda 2025 jylǵa deıin 42 myń jeke úıdi gazdandyrý shyǵaryndylardy jylyna 8 myń tonnaǵa, al 2030 jylǵa deıin qalǵan 40 myń úıdi jylyna 7,6 myń tonnaǵa azaıtýǵa múmkindik beredi.
