Almatyda aýanyń lastaný kórsetkishi alǵashqy jartyjyldyqta 10,9-dy qurady- Ahmetjan Esimov
ALMATY. 17 tamyz. QazAqparat /Erlik Erjanuly/ - Almatyda shilde aıynda aýanyń lastaný kórsetkishi (IZA5) 7,5 paıyzdy qurady. Ony qala ákimi Ahmetjan Esimov búgin "Kólik tabıǵı gazben - Qazaqstan" dep atalatyn forýmda aıtty.
"Qazgıdromet" RMK monıtorıngine qaraǵanda, sońǵy 3 jylda Almatyda aýanyń lastaný deńgeıinde tómendeýshilik baıqalýda jáne bul aǵym saqtalýda. Alǵashqy jarty jyldyqta aýanyń lastaný kórsetkishi 10,9-dy qurady. Bıylǵy jyly shilde aıynda "Qazgıdromet" baqylaýyndaǵy eń tómengi kórsetkish tirkeldi", - deıdi Ahmetjan Smaǵululy. Jalpy aýaǵa taralatyn zııandy zattardyń 80 paıyzy kólikterden bólinedi. Sondyqtan qala ákimdigi kommýnaldyq kólikterdi tabıǵı gazben júrýge kóshirý jobasyn aldaǵy ýaqytta odan ary jalǵastyrmaq. Sondaı-aq bul úrdiske taksoparkter men jeke tulǵalardy da tartýdy yntalandyrý maqsatynda "Almaty" áleýmettik kásipkerlik korporatsııasynda arnaıy tetikter ázirlenýde. Jańadan avtokólikterge gaz quıý stansalary salynyp, 2012 jylǵa deıin jeke sektordaǵy qatty otyn paıdalanatyn turǵyn úılerdi gazben qamtamasyz etý jumysy aıaqtalmaq.
