Almatyda aýany baqylaıtyn 10 stantsııa ornatyldy
ALMATY. QazAqparat - Aýany baqylaý úshin megapolıstiń ár bóliginde 10 avtomattandyrylǵan stantsııa ornatyldy. Bul týraly onlaın brıfıng barysynda Almaty qalasynyń Jasyl ekonomıka basqarmasynyń bastyǵy Natalıa Lıvınskaıa aıtty, dep habarlaıdy QazAqparat tilshisi.
«Karantın kezeńinde sarapshylarmen, ekologııalyq jáne kóliktik qoǵamdastyqtardyń ókilderimen birge qorshaǵan ortany jaqsartý boıynsha qysqa merzimdi is-sharalar jospary jasaldy. Qalanyń ár jerinde aýany baqylaý úshin 10 avtomattandyrylǵan post ornatyldy. Osylaısha almatylyqtar aýa sapasyn Led-ekran arqyly baqylaı alady»,–deıdi
Onyń aıtýynsha, atmosferalyq aýanyń aǵymdaǵy jaǵdaıy týraly aqparat Led-ekranǵa 26 datchıkten kelip túsedi, aqparat kúnine úsh ret jańartylyp turady. Qosymsha taǵy 10 monıtorıng stantsııasyna qosý josparda bar.
