Almatyda aýaǵa zııandy tútin shyǵaratyn avtobýstardy qadaǵalaý kúsheıdi
ALMATY. QazAqparat - Almatyda aýaǵa zııandy tútin shyǵaratyn avtobýstardy qadaǵalaý kúsheıe bastady, dep habarlaıdy QazAqparat tilshisi qalalyq ІІD baspasóz qyzmetine silteme jasap.
Almaty polıtsııasy qorshaǵan ortaǵa zııan keltirip jatqan avtobýstardy anyqtaýǵa reıdke shyqty.
«Basty maqsat - kólikterdiń qorshaǵan ortany lastaý kórsetkishiniń qalyptan asyp ketpeýin qadaǵalaý. Qoǵamdyq kólikterdi qorshaǵan ortany qorǵaý týraly zańnamany buzyp jatqan júrgizýshilerge qatysty shara qoldanýdamyz. Zańsyz qaıta jabdyqtalǵan qoǵamdyq kólikterdiń ıelerinen kólik nómirleri tárkilenip jatyr. Sonymen qatar, kólik tehnıkalyq talaptardan shyqpasa, hattama toltyrylady», - dedi qalalyq jergilikti polıtsııa qyzmetiniń basshysy Jasulan Baıkenov.
Polıtsııa kólikterdiń tehnıkalyq jaǵdaıyn, jarnama belgileriniń durys paıdalanylýyn, jolaýshy tasymaldaýmen aınalysatyn kólikterdiń talapqa saı ekendigin tekserýde.
