Almatyda aýa sapasyn baqylaıtyn jeliler kóbeıedi
ALMATY. QazAqparat – Almatyda aýa sapasyn baqylaıtyn pýnktterdiń sany 36-ǵa jetedi, dep habarlaıdy QazAqparat tilshisi.
«QR Prezıdenti Qasym-Jomart Kemeluly Toqaevtyń Almaty qalasynyń ekologııalyq jaǵdaıyn jaqsartý týraly tapsyrmasyn oryndaý úshin jáne mınıstr Maǵzum Myrzaǵalıevtiń tapsyrmasy boıynsha «Qazgıdromet» qoǵamdyq uıymdarmen Almaty qalasynyń aýmaǵynda aýa sapasyna baqylaý jelisin keńeıtý boıynsha belsendi jumys júrgizýde»,– dep habarlady «Qazgıdromet».
Qazirgi ýaqytta «Qazgıdromet» ekologııalyq jelisi 20 baqylaý pýnktinen turady.
2020 jylǵy 8 maýsymnan bastap Almaty qalasy aýasynyń sapasyna monıtorıng júrgizýge RM-2,5 boıynsha eko-belsendi Pavel Aleksandrovtyń taǵy 10 datchıgi qosylady. Derekter «AirKz» mobıldik qosymshasynda, ınteraktıvti kartada kórsetiledi jáne aı saıyn aqparattyq bıýlletende jarııalanatyn bolady.
Sondaı-aq, «Qazgıdromet» Almaty qalasynyń atmosferalyq aýasynyń sapasyn jaqsartý úshin «AirVision» Qoǵamdyq Qorymen birlesken jumystar júrgizýde.
Osy yntymaqtastyq sheńberinde «Eko-Ekspert» JShS qosymsha 10 baqylaý jelisin qosýdy josparlanyp otyr, osylaısha Almaty qalasynyń monıtorıngi 36 baqylaý pýnktine jetedi.
