Almatyda aýa-raıynyń qolaısyzdyǵynan qaýipti jaǵdaıdaǵy elektr qýaty ajyratyldy
ALMATY. Qazannyń 22-si. QazAqparat /Erbol Turymbetov/ - Búgin Almatyda 6 saǵat 09 mınýtta qaýipti jaǵdaıdaǵy 110 kVt elektrli jelisi ajyratylyp, qalanyń ońtústik-shyǵys bóliginiń № 24 A, 58 A, 132 A qosalqy stansalary ajyratyldy.
110 kVt jelisi ajyratylǵannan keıin, 8 saǵat 49 mınýtta №132 A qosalqy stansasy qaıta jabdyqtalyp, iske qosyldy. Al PS 58 A stansasy 11 saǵat 53 mınýtta jóndelip, turǵyndar elektr qýatyn paıdalana bastady.
110 kVt elektrli jelisiniń qaýipti jaǵdaıdaǵy ajyratylý joldaryn taratpaý men joıý sharalary aıasynda 6-10-0,4 kVt bóligi boıynsha tutynýshylar qosyldy. Oryn alǵan oqys oqıǵany jónge keltirýge QJJ 4 brıgadasy, jóndeý jumystarynyń 4 brıgadasy, qalanyń barlyq dıspetcherlik qyzmetteri, jeliniń eksplýtatsııalyq qyzmetshileri men AJK AQ-nyń qosalqy stansa qyzmeti jumyldyryldy. Apattyń sebebin anyqtaýǵa tehnologııalyq tártip buzýshylyqtar jónindegi komıssııa quryldy.
Sonymen qatar, qar aralas jańbyr, aǵashtardyń qulaýy sııaqty aýa-raıynyń qolaısyzdyǵy saldarynan qalanyń 6-10-0,4 kVt taralym jelisi de ajyratylyp, Almaty qalasynyń tutynýshylary elektr qýatynsyz qaldy. Ony qaıta qalpyna keltirýge 28 jóndeý brıgadasy jumyldyryldy.
