Almatyda atys bolyp, eki adam jaralandy

ALMATY. qazAqparat - Almatydaǵy ál-Farabı men Fýrmanov kósheleriniń qıylysyndaǵy «Sanset» meıramhanasynda túngi saǵat 00:30 shamasynda atys boldy. Kýágerlerdiń aıtýynsha, betperde kıgen 4 adam kelip, Makarov tapanshasynan oq jaýdyrǵan. Bireýi asqazanynan, ekinshisi aıaǵynan jaralanǵan, dep habarlaıdy QazAqparat.

Polıtseıler bul derekti Almaty qalasy Bostandyq aýdanynyń polıtsııa bólimi tirkep, tergeý júrgizip jatqanyn málimdedi.

«Qylmys ornyna qalalyq polıtsııa departamentiniń bastyǵy Arystanǵanı Zapparov bastaǵan jedel-tergeý toby bardy.

Qazirgi tańda atalǵan qylmysty ashýǵa baǵyttalǵan keshendi jedel is-sharalar júrgizilip jatyr», - dep jazdy ІІM-nen.

Ondaǵy aqparatqa qaraǵanda, kúdiktilerdiń biri qamaýǵa alyndy. Qalǵan qatysýshylar anyqtalyp, tıisti jaýapkershilikke tartylatyn bolady.