Almatyda atys bolyp, eki adam qaza tapty
ALMATY. 30 naýryz. QazAqparat /Erbol Azanbek/ - Búgin Almatynyń «Qalqaman» yqsham aýdanynda eki toptyń arasynda atys bolyp, eki adam qaza tapty, bir adam aýyr jaraqatpen №7 aýrýhanaǵa jetkizildi,
dep habarlaıdy qalalyq ІІD-niń baspasóz qyzmeti.
Qalalyq ishki ister departamentiniń málimetinshe, tańǵy 9 saǵat 29 mınýtta ІІD-niń jedel basqarý ortalyǵyna «Qalqaman» yqsham aýdanyndaǵy jeke úılerdiń birinde atys bolǵandyǵy týraly habar kelip túsken. Oqıǵa ornyna jetken jedel-izdestirý toby eki toptyń ózara janjaly saldarynan atys qarýynan eki adamnyń kóz jumyp, bir adamnyń aýyr jaraqat alǵandyǵyn anyqtaǵan. Jaraqat alǵan adam jetkizilgen №7 aýrýhananyń travmatolıogııa bólimi mamandarynyń aıtýynsha, onyń jaǵdaıy asa aýyr dep baǵalanyp otyr. ІІD baspasóz qyzmeti mamandarynyń málimetinshe, eki toptyń arasynda bolǵan janjalǵa birlesken kommertsııalyq múddelerdi bólise almaý sebep bolǵan.
Qalalyq ІІD-niń baspasóz hatshysy Saltanat Ázirbektiń aıtýynsha, qazirgi kezde kúdiktiler anyqtalyp, olardy ustaý sharasy qolǵa alynǵan. Sondaı-aq qylmystyń aýyrlyǵyna oraı jedel-tergeý toby qurylǵan.
Bul Almatyda sońǵy kúnderi bolǵan ekinshi asa aýyr qylmys. Naýryzdyń 28-i kúni ınkassatorlar tonalyp, kúzetshi oqqa ushqan edi. Qazirgi kezde eki is boıynsha da qylmyskerlerdi ustaý boıynsha jedel shara ótkizilýde.
