Almatyda ataýly áleýmettik kómekke 4,6 mlrd teńge bólindi
Spıkerdiń sózinshe, Almatyda ataýly áleýmettik kómek 48 myńnan astam adamǵa taǵaıyndaldy, onyń ishinde 37 myńnan astamy tólem aldy. Osy maqsattarǵa 4,5 mlrd teńgeden astam qarjy bólindi Kedeılik shegin toqsan saıyn jergilikti atqarýshy organdar eń tómengi kúnkóris deńgeıiniń 70% mólsherinde belgileıdi.
Almaty qalasynda 2023 jyldyń 3 toqsanyndaǵy kedeılik shegi 34 929 teńge bolǵan. AÁK-ke úmitker tulǵalar konsýltatsııa alý úshin jáne arnaýly áleýmettik kórsetiletin kyzmetterdi usynylý sharttary týraly akparat alýǵa, turǵylyqty tirkelgen mekenjaıy boıynsha Mansap ortalyǵynyń qyzmetkerlerine júgine alady nemese onlaın ótinish berýine bolady.
«Úmitkerler ótinish berý úshin, turǵylyqty mekenjaıǵa turaqty nemese ýaqytsha tirkelý qajet jáne ýaqytsha tirkelgen jaǵdaıda AÁK -ke 6 aı ótken soń ǵana ótinish bere alady. Memlekettik qyzmet tolyq avtomattandyrylǵan jáne tsıfrlandyrylǵan. Ataýly áleýmettik kómekti taǵaıyndaý úshin qujattardy qolma-qol ótkizý talap etilmeıdi. AÁK taǵaıyndaý úshin úmitkerlerge toqsan saıyn ótinish berýi qajet», - dep túsindirdi Almaty qalasy Mansap ortalyǵynyń jetekshisi Ádilet Jańabaev.
