Almatyda ataqty opera ánshisi E.Serkebaevty eske túsirýge arnalǵan óner festıvali ótedi
ASTANA. QazAqparat - Almatyda 4-7 maýsym aralyǵynda Abaı atyndaǵy Memlekettik akademııalyq opera jáne balet teatrynda ataqty opera ánshisi, KSRO halyq ártisi Ermek Serkebaevty eske túsirýge arnalǵan óner festıvali ótedi.
Bul týraly teatrdyń Instagram-daǵy paraqshasynda aıtyldy.
Búkil álemge áıgili kompozıtsııalardy Almaty ákiminiń kontserttik orkestri, kórkemdik jetekshisi jáne bas dırıjer, QR halyq ártisi Murat Serkebaev oryndaıdy.
Festıvalge KSRO halyq ártisi, QR Memlekettik syılyǵynyń laýreaty Álibek Dnishev, QR halyq ártisi, QR Memlekettik syılyǵynyń laýreaty Jánııa Áýbákirova, QR halyq ártisi, QR Memlekettik syılyǵynyń laýreaty Maıra Muhamedqyzy, QR eńbek sińirgen qaıratkeri Jámılá Serkebaeva men Jámılá Baspaqova, «Astana Opera» teatry men Abaı atyndaǵy memlekettik akademııalyq opera jáne balet teatrynyń solısteri qatysady. Sonymen qatar Reseı men Bashqurtstannan ánshiler shaqyryldy.
Festıvalde A.Jubanov pen L.Hamıdıdiń «Abaı», P.Chaıkovskııdiń «Aqqý kóli», G.Donıtsettıdiń «Lıýchııa dı Lammermýr» operalary qoıylady.
Ermek Serkebaev - áıgili operalyq jáne kameralyq ánshi, pedagog, KSRO halyq ártisi, QazKSR halyq ártisi, professor, qoǵam qaıratkeri, Sotsıalıstik Eńbek Eri. 2013 jyly 16 qarashada Almatyda dúnıeden ozdy.
