Almatyda ataqty mýzykanttar - Anatolıı Kelberg pen Fýat Mansýrovtardy eske alýǵa arnalǵan kesh bolyp ótti

Kontsertte dırıjer Vag Papıannyń jetekshiligimen QR memlekettik akademııalyq sımfonııa orkestri, B.Baıqadamov atyndaǵy memlekettik hor kapellasy, elimizdiń skrıpkashysy Aıda Aıýpova men pıanıst Janar Súleımanova óner kórsetti. Olardyń oryndaýynda E. Brýsılovskııdiń «Dýdaraı» sımfonııalyq kúıi, V. A. Motsarttyń «Rekvıemi», A. Arenskııdiń "Rıabının taqyrybyna fantazııa" týyndysy, P. I. Chaıkovskııdiń "№5 sımfonııasy" oryndaldy. Keshti tanymal mýzykatanýshy ıÝrıı Aravın júrgizdi.

Esterińizge sala ketsek, Anatolııa Kelberg 2009 jyly jazda dúnıeden ozǵan edi, al onyń birge oqyǵan kýrstasy Fýat Mansýrov bir jyldan soń 2010 jyly qaıtys bolǵan.

Eki daryndy adamdy taǵdyr soǵystan keıingi 1946 jyly toǵystyrdy. Olar Almaty konservatorııasyna oqýǵa túsip, ony 1951 jyly bitirip shyǵady. 10 jyldan soń Almaty memlekettik fılarmonııasynda Fýat Mansýrov sımfonııalyq orkestr uıymdastyrǵan kezde, ol óziniń birge oqyǵan dosyn Anatolııa Kelbergti shaqyrady. Mýzykatanýshyldardyń aıtýynsha, ekeýi birge orkestrdiń repertýarlaryn, jumys josparlaryn talqylaıtyn jáne olardyń kózqarastary, ómirdegi ustanymdary bir jerden shyǵatyn. Ekeýi de alpınızmmen aınalysyp, alysta júrse de ómir boıy birge dos bolyp ótken.

Anatolııa Kelberg qyzmet jolynda 18 myńnan asa dáris oqyǵan.