Almatyda «Atakent» aýmaǵy rekonstrýktsııadan ótedi

ALMATY. QazAqparat - Almatyda «Atakent» aýmaǵyn jańǵyrtý jobasy ázirlenip jatyr. Bul týraly megapolıs basshysy Erbolat Dosaev Bostandyq aýdanynyń turǵyndarymen kezdesýde málim etti, dep habarlaıdy QazAqparat tilshisi.

Erbolat Dosevtyń aıtýynsha, 2023 jyly Almaty ákimdigi «Atakent» aýmaǵyn qalpyna keltirý jáne abattandyrý jumystaryn júrgizedi.

«Atakent» máselesine keler bolsaq, belgili bir ýaqyt ıesiz qalǵan jerlerimizdi kommýnaldyq menshikke qabyldadyq. «Atakentti» qalpyna keltirýge, ony qosymsha abattandyrýǵa jeke joba daıyndalyp jatyr. Kelesi jyldan bastap bul aýmaqty jańǵyrtý men rekonstrýktsııalaýdy bastaımyz», - dedi Erbolat Dosaev.