Almatyda ata-anaǵa qyzyn mektepke oramalmen jiberýge bolmaıtyny túsindirildi
Búgin qaladaǵy jalpy bilim beretin №97 mektepte qyzy oramal taǵatyn ata-anamen teolog kezdesti.
Jalpy, bundaı túsindirý jumystary sońǵy jyldary qarqyndy júrgizilip keledi. Teolog, ál-Farabı atyndaǵy QazUÝ, Dintaný jáne mádenıettaný kafedrasynyń aǵa oqytýshysy, PhD doktory Baǵasharov Qudaıberdi Sabyrjanuly shaqyrylǵan ata-anaǵa Qazaqstannyń zaıyrly memlekettik júıesinde, sonyń ishinde zaıyrly bilim berýge jaýapty orta bilim beretin memlekettik mekemelerde qandaı da bir dinı atrıbýtıkany kirgizýge zań boıynsha ruqsat etilmeıtinin túsindirdi.
Dintaný mamany óz sózinde myna máselelerdi basa aıtty. «Qazaqstan respýblıkasynda Konstıtýtsııa negizinde azamattarǵa ar-ojdan bostandyǵy jáne nanym senim erkindigi berilip otyr. Osy sebepti kez kezgen Qazaqstan azamaty óziniń dinı senimin aıqyndaý quqyna ıe. ıAǵnı, dindi ustanýǵa eshqandaı quqyqtyq shekteý qoıylmaıdy. Osy sebepti de Qazaqstanda ǵıbadat úıleri de kún sanap kóbeıip keledi. Degenmen, zaıyrlylyq dinge beıtarap memlekettiń ustanymy. Dinniń memleketten ajyraǵandyǵyn bildiredi. Ókinishke qaraı, búgingi kúni dinı birlestikter memlekettiń keıbir talaptaryn oryndaýǵa qulyqsyzdyq tanytýda, tipti ashyq moıyndamaıtyndaryn alǵa tartatyndar da bar. Mysaly, qan quıdyrmaý, áskerge barmaý, ánuran aıtpaý, otandy qorǵaý maqsatynda qolǵa qarý almaý, birqatar zaıyrly pánderge qatyspaý, sabaq ýaqytynda juma namazǵa ketip qalý, sonyń ishinde mekteptiń ishinde oramal taǵyp júrý de bar.
«Dinı qyzmet jáne dinı birlestikter» zańynda dinı senimin alǵa tartyp zań mindetteıtin mindettemelerden bas tartýǵa bolmaıtyndyǵy ashyq jazylǵan. Buǵan qosa, QR Bilim jáne ǵylym mınıstrliginiń 2016 jylǵy №26 buıryǵy da mektepishindegi tártipke jáne biryńǵaı mektep formasynyń mindettiligine oraı qyz balalardyń oramal taǵyp, mektepte júrýine tyıym salady. Buǵan qarap, memleket din ókilderin qýdalap jatyr degen oı týmaýy tıis. Memleket óz tarapynan dindi ustanýǵa barlyq jaǵdaıdy jasaýda. Jalpy, kóshede oramal taǵýǵa tyıym joq, namaz oqýǵa tyıym joq. Mektepter de memlekettik oqý oryndary bolǵandyqtan, ol jer memleket belgilegen tártippen jumys isteıdi. Oramalǵa bola qyz balany mektepten shyǵaryp alyp, oqytpaı qoıý da durys emes. Keıbir ata-analar jaqyn shetelderge qashyqtan oqytýǵa ótip jatyr. Degenmen, bul jerde memleket qarajat bólip, tegin oqytyp jatqandyqtan, mekteptiń ishki talaptaryna baǵynǵan jaǵdaıda balanyń bilim alýyna eshqandaı kedergi joq. Keri jaǵdaıda zańdy túsindirý jumystaryn mektepter árdaıym júrgizedi. Árıne, zańmen qorqytý oıymyzda joq. Degenmen birneshe ret túsindirý jumystary júrgizilgennen keıin baǵynbaǵan ata-analarǵa on aılyq eseptik kórsetkish boıynsha aıyppul da salynatynyn eskertemiz», - dedi dintanýshy maman.
Arnaıy kezdesýge kelgen ata-analar da ózderiniń ýájderin jetkizdi. Olar qyz balanyń balıǵat jasyna tolýymen oǵan oramal taǵý, shashyn jasyryp ustaý, quran talabyn oryndaý mindetti bolatynyn alǵa tartty.
Sarapshy maman bul ýájge tómendegideı jaýap aıtty: «Islamda balıǵat jasyna tolǵan qyz balanyń oramal taǵýy paryz ekeni talassyz. Jalpy, qoǵamdyq ortada oramalǵa tyıym joqtyǵy da sondyqtan. Memleket onyń paryzdyǵyn joqqa shyǵarmaıdy. Degenmen, orta bilim berý mekemeleri memleketke qaraǵandyqtan, onyń ishki tártibin memlekettiń tıisti organdary belgileıdi. Eldegi dinı birlestikter balaǵa dinı tárbıeni úıde berýi tıis. Oramal jaǵdaıymen bala tek mektep ishinde júre almaıdy, al mektepten tys óz erki ózinde. Árıne, balaǵa dinı tárbıe berýge ata-ananyń quqy bar. Bul talap búkil respýblıka mektepterine ortaq talap. Sol sebepti ata-analardy ortaq zań talaptaryna baǵynýǵa shaqyramyz».
Kezdesý kezinde taraptar ashyq áńgime júrgizip, memleket, din, zań, bilim alýǵa qatysty oılaryn búkpesiz ortaǵa saldy.
