Almatyda asyl tuqymdy sáıgúlikterdiń kórmesi óz jumysyn bastady
ALMATY. QazAqparat - Búgin Almatydaǵy «Chamberlain» jylqy klýbynda «KazEqui-2017» asyl tuqymdy jylqylardyń ekinshi halyqaralyq shoý kórmesi óz jumysyn bastady, dep habarlaıdy QazAqparat tilshisi.
Úsh kún boıy ótetin kórmeniń búgingi alǵashqy kúninde asyl tuqymdy jylqylar tanystyrylyp, arnaıy sahnalandyrylǵan qoıylym kórsetildi.
Naqtyraq aıtqanda, túrki halyqtary men úndisterdiń ańyzyndaǵy keıipkerler men arǵymaqtar kórermen kózaımyna aınaldy. Qoıylymnyń rejıseri - Reseıden kelgen «Natural Horsemanship» sheberi Alekseı Berkov.
Jıynda eń kishkentaı ponı de kórsetildi. «Gýlıver» atty ponıdiń qazirgi ýaqyttaǵy boıy bar-joǵy 45-aq santımetr.
Bıyl ekinshi ret uıymdastyrylyp otyrǵan «KazEqui-2017» jylqylar kórmesin ótkizýge bıyl Shanhaı Yntymaqtastyǵy Uıymynyń Іskerlik keńesi men Qazaqstan Halqy Assambleıasy, Eýrazııa áıelderiniń alıansy qoldaý bildirgen.
Sharanyń ashylýynda Qazaqstan halqy Assambleıasy tóraǵasynyń orynbasary, QR Prezıdenti Ákimshiligindegi QHA hatshylyǵynyń meńgerýshisi Darhan Myńbaı quttyqtaý sóz sóılep, sharaǵa qatysýshylarǵa sáttilik tiledi.
«Biz sharany jyl saıyn uıymdastyryp turýdy josparlap otyrmyz. Qazaqstan jylqyny erte ǵasyrlarda tizgendeı bilgen el sanalady, sondyqtan bolar sharaǵa degen qyzyǵýshylyq jyldan jylǵa artyp keledi», - dedi «Chamberlain» klýbynyń jetekshisi Marına Býkanova.
Aıta keteıik, jylqylar shoýy aldaǵy senbi, jeksenbi kúnderi jalǵasady. Bul kúnderi almatylyqtar men qala qonaqtary arab sáıgúlikteriniń jarysyn tamashalaı alady. Jeńimpaz taza tuqymdy arab jylqysynyń qulynyn alady. 
Shoýǵa shetelden kelgen sarapshylar qazylyq etedi. Naqtyraq aıtqanda, olar: Irına Stıgler (Italııa), ıAn Kalıs (Gollandııa), Igor Bochkarev (Reseı), Nurlan Tileýlesov (Qazaqstan).
