Almatyda «Asyl Arman» turǵyn úı kesheni mańyndaǵy estakada qurylysy 50% oryndaldy
ALMATY. QazAqparat - Almatyda «Asyl Arman» turǵyn úı kesheni mańynda estakada men jer ústi jaıaý júrginshiler ótkeliniń qurylysy jalǵasýda. Búgingi kúni jumystardyń 50%-y oryndaldy. Bul týraly QazAvtoJol basshysy Meıirhat Qasymbaev aıtty, dep habarlaıdy QazAqparat tilshisi.
«Asyl Arman» jobasynyń qurylysyna jaýapty merdiger uıym jumysyna salǵyrt qarap, olarmen kelisimshart buzyldy. Búgingi kúni jańa merdiger uıym anyqtalyp, nysandaǵy barlyq qurylys-montajdaý jumystary qaıta jandandy. Joba boıynsha jumystyń 50% - y oryndaldy. «Qubyr» tıpti estakada men jer ústi jaıaý júrginshiler ótkeliniń qurylysy jalǵasýda»,- dep atap ótti QazAvtoJol basshysy Meıirhat Qasymbaev.
Eske salaıyq, aqpan aıynda Almaty-Bishkek baǵyty boıynda ornalasqan «Asyl Arman» turǵyn úı kesheniniń turǵyndary qalaǵa shyqqanda jáne keri qaıtqanda tek aınalma joldarmen qatynaýǵa májbúr ekeni aıtylǵan bolatyn.
Osy máseleni sheshý úshin «Almaty-Bishkek» avtojolynda «qubyr» úlgisindegi jolaıryq (18+700 shaqyrym) jáne Raıymbek aýylyna burylystaǵy qosymsha jaıaý júrginshiler kópirin (19+860 shaqyrym) salý úshin jeke joba («Altyn-Orda» jobasyna kirmeıtin) ázirlendi.
