Almatyda Astana kúnine arnalǵan velojúgirý bolyp ótti

 dep habarlady qala ákiminiń baspasóz qyzmeti.

Velojúgirýge Almaty qalasynyń ákimi Ahmetjan Esimov pen Qazaqstan Respýblıkasy Densaýlyq saqtaý mınıstri Salıdat Qaıyrbekova qatysty.

Velojúgirý tramplınderdiń Halyqaralyq kesheninen bastaý alyp, ál-Farabı dańǵylynan Rozybaqıev kóshesine deıin, odan ári  Abaı dańǵylyna, sodan keıin  Ortalyq stadıonǵa keldi.

Márege jetkennen soń qala ákimi Ahmetjan Esimov almatylyqtar men qonaqtardy aldaǵy Astana kúnimen quttyqtady. Qala basshysy velojúgirýdiń salaýatty ómir saltyn qalyptastyrýǵa yqpal etetinin aıtty.

«Búgingi velojúgirý Astana kúnine arnalǵan. Elordamyz ósip, kórkeıip keledi. Jas qalamyz ekonomıkalyq damýymyzǵa tyń serpin berýde. Almaty da óz kezeginde ósip, órkendeýde. Bizdiń qalamyz respýblıkanyń donory bolyp tabylady, ol jalpy ónimniń 20%-yn berýde. Velojúgirý nashaqorlyq pen narkobızneske qarsy kúrestiń Halyqaralyq kúnine de arnalǵan. Biz - velojúgirýshiler, salaýatty ómir saltyn jaqtaýshylarmyz, ony naqtyly isterimizben dáleldep kelemiz», - dep atap ótti ákim.

Óz kezeginde Densaýlyq sqtaý mınıstri Ahmetjan Esimovke velojúgirýge qatysýǵa shaqyrǵany úshin rahmet aıtty.

«Memleket basshysy salaýatty ómir saltyn qalyptastyrý jóninde jıi aıtady, al Almatyda bul is keń qanat jaıǵan eken. Jıi ótkizilip kele jatqan velojúgirýler salaýatty ómir saltyn qalyptastyrýdyń basty baǵyttarynyń biri»,- dedi Salıdat Qaıyrbekova.

Velojúgirý sońynda Almaty ákimi Densaýlyq saqtaý mınıstrine syılyq retinde velosıped usyndy jáne jeńimpazdardy marapattady.