Almatyda Astana kúni keń aýqymda ótip jatyr (FOTO)
ALMATY. QazAqparat- Búgin Almatyda Mádenıet jáne demalys ortalyq saıabaǵynda Medeý aýdany ákimi apparatynyń uıymdastyrýymen «Astana - Otanymyzdyń júregi, táýelsizdigimizdiń tiregi» atty aýqymdy merekelik kontsert boldy.
Oǵan Qazaqstannyń tanymal estrada juldyzdary, balalar shyǵarmashylyq ujymdary jáne basqa da óner maıtalmandary qatysyp, jurtshylyqtyń ystyq yqylasyna bólendi.
Odan basqa, mereke aıasynda jasóspirim almatylyqtar arasynda asfaltke sýret salý boıynsha «Astana-Almaty poıyzy» baıqaýy jáne basqa da birqatar sporttyq sharalar uıymdastyryldy. Jeńimpazdarǵa estelik syılyqtar tabys etildi.
«Búgin bir tamasha merekeni atap ótip jatyrmyz. Búgin Astana men Elbasy Nursultan Nazarbaevtyń týǵan kúni! Bul merekemen barsha qazaqstandyqtardy shyn júrekten quttyqtaımyn! Osyndaı tamasha Astanamyzdyń bar ekendigin, elimizde 100-den astam túrli ult ókilderiniń tatý-tátti ómir súrip jatqandyǵyn men maqtan tutamyn», - dedi Almaty turǵyny Sábıra Táńirbergenova.
Aıta ketelik, búgin Almaty qalasynyń barlyq aýdandarynda Astana kúnine arnalǵan merekelik kontsertter ótkizilip jatyr. Al keshke, Respýblıka Saraıy aldyndaǵy alańda jalpyqalalyq kontsert bolady. 
