Almatyda Astana kúni atap ótilýde
ALMATY. 6 shilde. QazAqparat /Ádilet Musahaev/ - Almatynyń ár aýdanynda Astana kúnine oraı túrli merekelik sharalar ótip jatyr.
Máselen, Bostandyq aýdanynda «Mega Almaty» saýda oıyn-saýyq ortalyǵy janynda Qazaqstan estrada juldyzdarynyń qatysýymen kontserttik baǵdarlamalar ótýde. Sondaı-aq onda balalardan quralǵan ujym óz ónerlerin kórsetip, túrli baıqaýlar men vıktorınalar ótkizilýde.
Al Jetisý aýdanynda «Týǵan kúnińmen Astana!» uranymen asfaltqa sýret salýdan balalar arasynda baıqaý ótýde. Sonymen qatar «Atameken» ardagerler horynyń Astana jónindegi úzdik áni tyńdalyp, ardagerler arasynda shahmattan saıys ótýde.
Almatydaǵy Áýezov aýdany ákimshiliginiń uıymdastyrýymen, «Femelı» saıabaǵynda da Astana kúnine oraı merekelik is-shara ótýde.
Sharaǵa qatysýshylardy mereke kúnimen Áýezov aýdanynyń ákimi Bekqalı Torǵaev quttyqtap, óziniń izgi nıetin bildirdi. «Búkil álem úshin Astana - bul Qazaqstannyń saıası jeńisiniń nyshany. ıÝNESKO-nyń sheshimi boıynsha bizdiń elimizdiń astanasyna «Beıbitshilik qalasy» degen joǵary ataq berildi. Biz úshin bul qalanyń mańyzy erekshe - jańa astana búkil respýblıkanyń damýyna túrtki boldy», -dep atap ótti óz sózinde aýdan ákimi.
Іs-shara barysynda aýdan turǵyndary men qonaqtaryna, qazaq estrada ánshileriniń qatysýymen, merekelik kontserttik baǵdarlama usynylyp, merekelik saýda men taqyryptyq kórme uıymdastyryldy.
