Almatyda ASTANA ARTFEST óner festıvali ótedi

Alǵash ret bul festıval 2015 jyly jazda Astanada uıymdastyrylǵan bolatyn. Sharaǵa 300 myńnan astam adam qatysqan. Úsh kún ishinde elorda turǵyndary men qonaqtary qazaqstandyq jáne shetel sýretshileri, dızaınerleri, sáýletshileri jáne mýzykanttarynyń shyǵarmalarymen jete tanysty. Sondaı-aq, kópshilik qaýym qyzyqty ınteraktıvti qoıylymdarǵa qatysty.

Almatyda ótetin festıvaldiń tusaýkeser rásiminde uıymdastyrýshylar qatysýshylarǵa ASTANA ARTFEST 2015 festıvali qorytyndylanady, sondaı-aq festıvalge baıqaý arqyly qalaı qatysýdyń jáne óz jobalaryn júzege asyrý úshin qarjy kózderine qalaı qol jetkizý joldaryn túsindiredi.

Bıyl festıvaldiń basty taqyryby «Human Energy 2016» dep atalady.

Festıval aıasynda osy ıgi sharany uıymdastyrýshylar: «Astana Jastary» Jastar resýrstyq ortalyǵynyń jetekshisi Ánýar Nurpeıisov, FUNK agenttiginiń dırektory Maıra Izmaılova, sondaı-aq, halyqaralyq art-tálimger, ónertanýshy jáne mádenıettanýshy Dına Nurpeıisova sóz sóıleıdi.

Aıta ketelik, ASTANA ARTFEST festıvali - memlekettik deńgeıde qoldaýǵa ıe bolǵan, Qazaqstannyń ónerin álemdik deńgeıge kóterýge baǵyttalǵan jemisti joba.