Almatyda assenızatorlyq kólikterge GPS baqylaý júıesi ornatylyp jatyr
ALMATY. QazAqparat - Almatyda búgin qala ákiminiń orynbasary Erlan Áýkenovtyń qatysýymen tehnıkalyq keńestiń otyrysy ótti. Jıyn barysynda «Almaty Sý Holdıngi» MKK bas dırektorynyń orynbasary Berik Jambylov sýmen jabdyqtaý júıesin qurylymdyq qaıta uıymdastyrylýynyń tujyrymdamasyn usyndy.
Jańa jobaǵa sáıkes Almaty qalasynyń sýmen jabdyqtaý kásiporyndaryn avtomattandyrý qaladaǵy sýdyń ysyrap bolýynyń qysqarýyna aıtarlyqtaı sebin tıgizbek. Jobanyń alǵashqy kezeńin júzege asyrýǵa 1 mlrd teńge qajet.
Óndiristik protsesterdi avtomattandyrý energııa resýrstaryn únemdeýge, sý qubyry jelilerinde týyndaıtyn ysyraptar men apattyq jaǵdaılardy tómendetýge múmkindik beredi.
«Nátıjesinde sýdyń ysyrap bolýyn - 15 paıyzǵa, sý qubyrlaryndaǵy apattar sany - 27 paıyzǵa, jáne energııa shyǵynyn 20 paıyzǵa qysqartýǵa bolady.
Jumystan bosatylǵan jumyskerler Naýryzbaı aýdanyndaǵy jańa sýmen jabdyqtaý nysandaryna jumysqa ornalastyrylady», - dedi mekeme basshysy
Sondaı-aq, ekologııalyq baǵdarlama sheńberinde aldaǵy jyldarda assenızatorlyq kóliktermen tasymaldanatyn aǵyn sýlardy qabyldaý jónindegi 25 mobıldi germetıkalyq tógý stantsııalaryn salý qolǵa alynady.
Sonymen qatar, kásiporyndardyń kólikterine GPS baqylaý júıesin ornatý, olardy gaz otynyna aýystyrý jumystary júrgizilýde.
