Almatyda aspazshylar saıysqa túsedi
ALMATY. QazAqparat - Almatyda 8-9 shilde kúnderi «As festıvali» ótedi. Іri gastronomııalyq shoý Almaty irgesindegi Tabaǵan kesheninde uıymdastyrylady, dep habarlaıdy QazAqparat.
«Bıyl alǵash ret festıval aıasynda 10 aımaq uıymdastyrylady. Kólemdi Food aımaq, kofe, densaýlyq, lektsııa, durys tamaqtaný aımaqtary ashylady. Sondaı-aq, balalarǵa arnalǵan aımaq, skalodrom jumys isteıdi», - dedi «FCF Company» kompanııasynyń ókili ıAna Kýznetsova.
Gastro-forým kýratory Olga Cheremısınanyń aıtýynsha, food-aımaqta otandyq jáne sheteldik bas aspazdar barbekıý pisirýden tartysqa túsedi. Sondaı-aq mamandar sheberlik sabaqtarynda as ázirleýdiń qupııalary týraly aıtyp bermek.
Kofe aımaǵynda kofeni durys ázirleý men berýdiń qyr-syry kórsetiledi.
Durys tamaqtaný aımaǵynda mamandar, dárigerler, dıetologtar aǵzaǵa paıdaly as ónimderiniń dárýmendik quramy, paıdaly as ishý týraly usynystar beredi.
Sondaı-aq, Almaty turǵyndary kelýshiler arasynan eń úzdik kelindi tańdap alady.
Mádenı shara keshke ashyq aspan astyndaǵy kınoseansqa ulasady.
