Almatyda áskerı qyzmetshiler tildik daıyndyq kýrsynan ótti

NUR-SULTAN. QazAqparat – Qarýly kúshterdiń 70-ke jýyq áskerı qyzmetshisi Qorǵanys mınıstrliginiń bitimgerlik daıyndyq ortalyǵy bazasynda aǵylshyn tilin oqytýdyń qarqyndy kýrsynan ótti, dep habarlaıdy QazAqparat Qorǵanys mınıstrliginiń resmı saıtyna silteme jasap.

Kýrs tyńdaýshylardyń kópultty ortada tıimdi qyzmet etýi úshin qajetti aýyzsha sóıleý, oqý, jazý jáne tyńdaý daǵdylaryn damytýǵa baǵyttalǵan.

Kýrs aıaqtalǵannan keıin bitimgerlik daıyndyq ortalyǵynyń bastyǵy polkovnık Baýyrjan Nyǵmetýllın tyńdaýshylarǵa sertıfıkattar tabystap, oqýdy tabysty aıaqtaýymen quttyqtady. Sonymen birge, alǵan bilimderi olarǵa bitimgerlik mıssııadaǵy mindetterdi oryndaý kezinde kómektesetinine jáne qyzmettik ósýine yqpal etetinine senimdi ekenin atap ótti.

Bitimgerlik daıyndyq ortalyǵynda til kýrstary árqaısysy bes jarym aıdan jylyna eki ret ótkizilip turady.

Foto: www.gov.kz