Almatyda áskerı qyzmetkerler Prezıdent Joldaýyn den qoıyp tyńdady
Prezıdenttiń sózin oı eleginen ótkizýge zalǵa 500-den asa áskerı qyzmetker jınaldy.
«Búgingi aıtylǵan Joldaýda óte ózekti máseleler qozǵaldy. Kúndelikti qoǵamdyq qaýipsizdikti qamtamasyz etetin áskerı qyzmetshiler úshin de kóptegen áleýmettik máselelerdiń, jalaqy, baspana, materıaldyq qamtýdyń mańyzy asa joǵary. Halyqtyń bolashaǵy, nesibesi qandaı bolady? Qandaı baǵytqa basa nazar aýdarý kerek? Osy jaıttar áskerılerdi de tolǵandyrady. Kóterilgen máseleler senim týdyryp, óz qyzmetimizge degen kózqarasymyzdy ózgertip, jaýyngerlik daıyndyǵymyzdy kóterip el tynyshtyǵyna úles qosýǵa yntalandyrdy.
Búgingi kúni «Ońtústik» óńirlik qolbasshylyǵy Elbasymyzdyń ótken jylǵy Joldaýynda aıtylǵan tapsyrmalardy oryndaýda óziniń zor úlesin qosyp otyr. Osy jyly sardarlar men sarbazdar Naýryzbaı aýdanyndaǵy sel zardaptaryn joıýda kómek kórsetti. Áskerıler árdaıym qıyn sátte halyqqa, qoǵamǵa kómek kórsetýge ázir», - dedi QR Ulttyq Ulany «Ońtústik» óńirlik qolbasshylyǵy jetekshisiniń orynbasary Nurbaı Bektursynov.
Aıta ketý kerek, búgin Memleket basshysy Nursultan Nazarbaev halyqqa kezekti Joldaýyn jetkizdi. Óz sózinde Elbasy kúrdeli ekonomıkalyq ahýal jaǵdaıynda el damýynyń baǵyt-baǵdaryn aıqyndap berdi.
