Almatyda áskerı qyzmetkerdiń úıinen jarylǵysh zat pen tútindetkish qural tárkilendi
ALMATY. Sáýirdiń 15-i. QazAqparat / Ádilet Musahaev / - Almatyda áskerı bólimshe vzvodynyń 26 jasar komandıri kóppáterli úıdegi páterine jarylǵysh granata men tútindetkish quraldy jasyrǵan,
dep habarlaıdy QazAqparat ІІB baspsóz qyzmetine silteme jasap.
Kúdiktiniń aıtýynsha, bul quraldardy kezekti oqý-jattyǵý kezinde taýyp alǵan. Ázirge onyń qandaı maqsatta bul qarýdy ózinde saqtaǵandyǵy belgisiz.
« Bul áskerı qyzmetkerdiń turyp jatqan úıi kóppáterli, sonymen qatar onymen birge basqa da adamdar turyp jatqan, olardyń jarylǵysh zatty iske qosyp jiberýi ábden múmkin edi. Abyroı bolǵanda, oqıǵa tótenshe jaǵdaısyz sheshildi. Jarylǵysh zatty zańsyz saqtap otyr degen jedel aqparatty alysymen kúdiktini birden ustap, qarýdy aldyq», deıdi Bostandyq aýdandyq ІІB bastyǵy, polkovnık Imanǵalı Maqyshev.
Bul arnaıy operatsııa respýblıkalyq «Qarý» jedel aldyn alý sharasy aıasynda iske asyp otyr. Bar- joǵy úsh kúnniń ishinde 35 zańsyz qarý saqtaý tirkelgen, 300-ge jýyq oq tárkilengen. Sonymen birge, tirkeýde turǵan 10 myń qarý ıesi tekserýden ótip, oq- dárimen atylatyn qarýdy zańsyz saqtap, tasymaldaǵan 345 oqıǵa tirkelgen.
«Atalmysh shara jaǵdaıdyń jedel aldyn alýǵa, oq- dárili qarý men jarylǵysh zattar boıynsha jasalatyn qylmysty ashý men ony boldyrmaýǵa eskertý jasaý maqsatynda júrgizilip otyr. Bul elimiz ben qaladaǵy krımınaldy jaǵdaıdyń tómendeýine ákelýde. Zańsyz qarýdy óz erkimen ákelip tapsyrǵandar qylmystyq jaýapqa tartylmaıtyndyǵyn eskerte ketkim keledi», deıdi Almaty qalasy ІІB lıtsenzııalyq-ruqsat júıesiniń basqarma bastyǵy Erlan Meımanqulov.
