Almatyda áskerı qyzmetker eki jasar balany qutqaryp qaldy

Bul týraly QR ІІM Іshki áskeriniń baspasóz qyzmeti habarlady.

Eki jasar qyzdyń apasy sińlisiniń jolǵa shyǵyp ketkenin ańǵarmaı qaldy. Muzdaq basqan asfaltta zýlap kele jatqan mashınany qyz bala baıqamady. Sol arada ketip bara jatqan Іshki áskerler almatylyq polkiniń jaýyngeri aǵa serjant Meırambek Berdibaev jedel kómekke umtyldy.

- Qatty jyldamdyqpen kele jatqan mashına tónip qalǵan bolatyn. Qalaı úlgergenime ózim de áli senbeımin, - dep áserimen bólisti Meırambek.

Kýágerlerdiń aıtýynsha, Meırambek shuǵyl jetip, balany mashına jetkenshe lezde qaǵyp alǵan. Ekeýi de jantalasa qulaǵan sátte qyz bala zardap shekken joq, Meırambek aıaǵyn qatty aýyrtyp aldy. Rengennen keıin ǵana ol oń aıaǵynyń tobyǵyn jaralap alǵanyn bildi.

Balany qaǵyp ketýge shaq qalǵan sheteldik mashına júrgizýshisi oqıǵa ornyn izin sýytty. Sol kezde kelip jetken qyzdyń anasy balasyn ajaldan qutqarǵany úshin Meırambekke alǵysyn jaýdyrdy.

Qazirgi kezde Meırambek saýyǵyp keledi. Óńirlik qolbasshylyq basshylyǵy áskerı qyzmetshini kótermeleý máselesin sheshýmen aınalysýda.