Almatyda áskerı bólim komandıri qashqyn eki sarbazdyń ustalýyna qatysty oqıǵany baıandady
ASTANA. 2 mamyr. QazAqparat - Buǵan deıin óz erikterimen qashyp ketken sarbazdardyń ustalǵandyǵy týraly habarlanǵan bolatyn.
Búgin Almatyda arnaıy uıymdastyrylǵan baspasóz máslıhatynda 5571 áskerı bóliminiń komandıri Nurlan Muhammedov osy jaıynda keńinen baıandap berdi.
Onyń atap ótýinshe, aǵymdaǵy jyldyń 24 sáýirinde Almaty qalalyq ІІD emhanasynda aımaqtyq áskerı-dárigerlik komıssııadan ótý barysynda qatardaǵy áskerı qyzmetshiler 1994 jyly dúnıege kelgen Kobezev Vladıslav Evgenevıch pen 1992 jyly dúnıege kelgen Tyrpov Grıgorıı Nıkolaevıch qashyp ketken. Ekeýi de ásker qataryna 2012 jyldyń jeltoqsanynda shaqyrylǵan.
1 mamyrǵa deıin qashqyndardy izdeý sharalary júrgizilgen. Saǵat 17:00 shamasynda 5571 áskerı bóliminiń basshylyǵyna Almaty-Astana tas jolynyń 150-shi shaqyrymynda, Aıdarly eldi mekenine taqaý jerde sarbazdarǵa uqsaıtyn 2 adamnyń júrgendigi týraly aqparat túsken. Ony tekserý úshin 5571 áskerı bóliminiń komandıri bastaǵan áskerı qyzmetshiler atalǵan jerge barǵan.
Іzdeý sharalary barysynda qashqyndar Aıdarly aýylyna taqaý jerdegi kıiz úıden tabyldy. Olar suhbattasý barysynda qyzmettesteri tarapynan qysym bolmaǵanyn, quqyqtarynyń buzylmaǵandyǵyn aıtqan. Al bul áreketterge áskerı boryshtaryn ótegileri kelmegendikten jáne týǵan-týystaryn saǵynǵandyqtan barǵan.
Áskerı qyzmetshiler áskerı-dárigerlik komıssııaǵa psıhıatrııalyq klınıkada em qabyldaýshylar retinde Otan aldyndaǵy boryshtaryn óteýge jaramdylyǵyn anyqtaýǵa jiberilgen. Qazirgi ýaqytta olar atalǵan komıssııadan ótýde.
