Almatyda «Áskerı Alpınıada» aıaqtaldy (FOTO)
«Taý - bul qatelikti keshirmeıtin, aldyn ala boljaýǵa kelmeıtin ári kúrdeli orta. Sondyqtan bolar AOSK-nyń aldyndaǵy basty mindet - tótenshe jaǵdaılarda baıqaýdy qaýipsiz ótkizý. Baıqaýdyń barlyq kezeńderi barynsha qıyn boldy. Sebebi, aýa raıy qubylyp, tosyn minez tanytty. Jańbyr jaýyp, taýda aınala kórinbeı qaldy jáne kún ysyp ketti. Qatty sharshaǵandyqtan komandalardyń qashyqtyqty eńserip óte almaǵan kezderi de boldy. Alaıda, munyń barlyǵyna qaramastan, saıys joǵary deńgeıde ótti jáne kóptegen áskerı qyzmetshiler joǵary daıyndyq deńgeıin kórsetti», - dedi saıys tóreshisi, AOSK shtattyq komandasynyń taýly daıarlyq jónindegi aǵa bapkeri, aǵa leıtenant Maqsut Jumaev.
Aeroutqyr áskerleri 48386 áskerı bóliminiń komandasy saıys jeńimpazy atansa, 32356 áskerı bólimi ekinshi oryndy, «Ońtústik» ÓńQ 03811 áskerı bólimi úshinshi oryndy enshiledi.
«Meniń komandam jaqsy nátıje kórsetti. Munyń barlyǵy jaqsy daıyndyq pen uıymshyldyqtyń arqasy. Jarys barysynda qıyndyqtar kezdesti. Qashyqtyqty ótkermeı, barlyǵyn tastap ketkiń kelgen kezeńder boldy. Alaıda, biz sońyna deıin jetip, jeńiske qol jetkizdik», - dedi Erlan Shókeev.
Áskerı alpınıada bes kezeńde ótti. Birinshi jáne ekinshi kezeń sheńberinde áskerı qyzmetshilerge kúrdeli emes shópti, oranbaly jáne baǵdardyń qarly ýchaskeleri boıynsha kúndizgi ótkelden ótý qajet boldy. Úshinshi jáne tórtinshi kezeń barysynda saıys qatysýshylary «Іlmeli ótkel», «Quzǵa órmeleý» jáne «Jaralyny tasymaldaý» arnaıy ýchaskelerin ótti.
