Almatyda áskerge barýdan ádeıi bas tartatyndar joq - departament
Almaty qalasy qorǵanys isteri departamentiniń basshysy Amantaı Óserbaevtyń aıtýynsha, keıde ásker qataryna shaqyrylatyndar shaqyrý pýnkterine der kezinde kelmeıdi.
Mundaı jaǵdaıda iske ýchaskelik ınspektorlar aralasady.
«Bizde ádeıi bas tartatyndar joq. Qazir jigitterdiń barlyǵy ıntellektýal. Áskerge shaqyrylýshylardyń ortasha jasy - 18-23 jas, olar óz mindetterin oryndap, qyzmet etý kerek ekenin túsinedi. Jastar arasynda áskerge barýdan úreılenetinder de kezdesedi. Psıhologtar olarmen sóılesedi. Áskerden jaltarǵan jaǵdaıda 1 mıllıon teńgege deıin aıyppul qarastyrylǵan», - dedi ol.
Aıta keteıik, 2020 jyldan bastap, áskerge shaqyrýdy keıinge qaldyrýǵa quqyǵy bar áskerge shaqyrylýshylar sanattarynyń tizbesi keńeıtilgen.
Oǵan tek aýyl pedagogtary ǵana emes, sondaı-aq qala muǵalimderi oqytýshylyq qyzmettiń barlyq kezeńine jáne quqyq qorǵaý organdarynyń bilim berý mekemelerinde oqytylyp jatqan adamdar kirdi.
Bıyl kúzde Almatydan 1500-den astam jasty merzimdi áskerı qyzmetke shaqyrý josparlanyp otyr.
Jalpy, bir jylda megapolısten 2 500-ge jýyq adam shaqyrylady.
