Almatyda «Ashyq Júrek» qaıyrymdylyq jobasy bastaldy
Joba 8 baǵytta «Ólkem», «Shabytym», «Otbasym», «Tabysym», «Jigerim», «Qulynym», «Kúsh - qýatym» jáne «Qazynam» júzege aspaq.
Eriktikler lıgasynyń stýdentteri men oqýshylary osy baǵyttar boıynsha kópbalaly, áleýmettik jaǵynan az qamtylǵan otbasylarǵa kómektesetin bolady.
Bul bastamanyń ıdeıasyn «Eriktiler lıgasy» qoǵamdyq qorynyń tóraǵasy Aısulý Ernııazova usynǵan. Ol bul ıdeıasyn Elbasy Nursultan Nazarbaevpen kezdesýde aıtqan bolatyn.
Aısulýdyń aıtýynsha, joba naýryzdan qarasha aıyna deıin belsendi jumys kórsetpek. Ol úshin ár saladan demeýshiler, seriktester tartylatyn bolady. Jobanyń ashylýy men aıaqtalýynda meıirim sherýi uıymdastyrylady.
«Osy isti júıeli etip, bıznestiń áleýmettik jaýapkershiligin arttyrǵymyz keledi. Ary qaraı osy tájirıbemiz óńirler úshin de paıdaly bolatyn edi. Osy jumystyń operatory bolýǵa, eriktiler úshin jaýapkershilik alýǵa biz daıynbyz», - dedi A.Ernııazova.
Jobanyń ár baǵytyn EKSPO-2017, Ýnıversıada-2017, Almaty marafon taǵy basqa alańdarda istegen tájirıbeli erikti koordınatorlar júrgizetin bolady.
Sonymen qatar, muqtaj adamǵa kómektesip saýap jınasam degen kez-kelgen adam bul jobaǵa qatysa alady. 15 qarashada ótetin meıirim sherýinde barlyq kómek alǵan azamattar qatysatyn bolady.
Almaty eriktiler lıgasy 4 jyldan beri jumys istep keledi. Onda 5 myńnan astam azamat qyzmet etedi.
