Almatyda ashylǵan oqý ortalyǵynda mamandar týberkýlezdi emdeý ádisi men qaǵıdalaryn oqyp, bilimderin jetildiretin bolady - E.Sısson
/strong>Naýryzdyń 25-i. QazAqparat /Ádilet Musahaev/ - Búgin biz Almatyda ashyp otyrǵan jańa oqý ortalyǵynda osy eldiń mamandary týberkýlezdi emdeý ádisi men qaǵıdalaryn oqyp, bilimderin jetildiretin bolady. Bul jaıynda búgin AQSh damytý agenttiginiń (USAID) dırektory Endrıý Sısson oqý ortalyǵynyń ashylý saltanatynda aıtty,
dep habarlaıdy QazAqparat.
E.Sısson ashylǵan ortalyqqa kóńili tolatyndyǵyn jáne atalmysh indetke qarsy kúreste Qazaqstanmen birlese jumys istep jatqandyǵyna rızashylyǵyn bildirdi. «Týberkýlez aýrýynyń taraýyna qarsy jasalyp otyrǵan bul mańyzdy qadam, tek osy elge ǵana emes búkil álemge de qatysy bar dep bilemin. Qazirgi tańda bul aýrýdy taratpaý úshin barlyq elder birlese jumys isteýi qajet», deıdi dırektor.
Sonymen qatar ol AQSh úkimeti arqyly QR Densaýlyq saqtaý mınıstrligi týberkýlez máseleleri ulttyq ortalyǵymen áriptestik quryp, atalmysh ortalyqty qurǵandyǵyna qýanyshty ekendigin jetkizdi. «USAID atalmysh ortalyqqa ádistemelik-oqý quraldaryn, jıhaz, kompıýterlik jáne taǵy basqa da quraldardy alyp berýge kómektesti. Osy ortalyq qazaqstandyq mamandardyń eldegi týberkýlez indetine qarsy kúresinde tıimdi jumys atqarady dep úmittenemin», dedi E.Sısson óz sózinde.
