Almatyda ashyq qalǵan lıýktyń kesirinen kólik aýdarylyp qaldy
ALMATY. QazAqparat - Almatyda ashyq turǵan lıýktyń kesirinen kólik aýdarylyp qaldy, dep habarlaıdy QazAqparat tilshisi.
Jol apaty Nazarbaev pen Maqataev kósheleriniń qıylysynda bolǵan. Jartylaı ashyq turǵan lıýkty júrgizýshi ábden jaqyndaǵanda bir-aq baıqaǵan.
Oń jaqta kólik kele jatqandyqtan Nıssan júrgizýshisi aınalyp óte almaı, lıýkke túsip baryp aýdarylyp qalǵan. Soqqydan kóliktiń benzın bagy julynyp ketken.
Jol apatynyń saldarynan júrgizýshi jaraqat alyp, ony jedel járdem aýrýhanaǵa alyp ketti.
Oqys oqıǵanyń jaı-japsaryn polıtsııa tekserip jatyr.
Aıta ketý kerek, 2016 jyly synyq lıýktyń kesirinen taǵy bir jol apaty bolyp, Ekaterına Parafıeva eki aıaǵynan aırylǵan bolatyn.
Bostandyq aýdandyq sýdıasy jol apatyna aıypty dep tanylǵan avtobýs júrgizýshisin 2 jylǵa bas bostandyǵyn shektep 2 mln teńge moraldyq ótemaqy tólýge májbúrledi.
Sonymen qatar, sýdıa qala ákimdigine káriz sýy lıýkteriniń qaýipsizdigin qamtamasyz etpegen úshin jeke qaýly shyǵardy.
