Almatyda ashyq aspan astyndaǵy «Orkestrler sherýi» búgin de jalǵasyn tabady

Esterińizge sala ketsek, mýzyka festıvali 14 qyrkúıek kúni bastalyp, Ǵylym Akademııasy aldyndaǵy Sh. Ýálıhanov alańynda ótýde. Ashyq aspan astyndaǵy Festıvalge elimizdiń eń myqty orkestrleri - Qazaq akademııalyq falklorlyq-etnografııalyq «Otyrar sazy» orkestri, Memlekettik akademııalyq sımfonııalyq orkestri, QR memlekettik úrlemeli aspaptar orkestri, Qurmanǵazy atyndaǵy memlekettiń akademııalyq halyq aspaptar orkestrleri qatysýda. Mýzykalyq sherýdi áıgili dırıjerlar Vag Papıan, Qanat Ahmetov, Aleksandr Belıakov, Dınara Tilendıeva, Jalǵasbek Begendikov jáne Dúısen Úkibaı basqarýda.

Eki kúnnen beri Sh.Ýálıhanov atyndaǵy alań orkestr mýzykasynyń sıqyrly dybystaryna oranýda. Keshe ashyq aspan astynda qazaq halyq áýenderi men halyq kompozıtorlarynyń týyndylary shyrqalsa, búgin sımfonııalyq mýzykalar áýeleıtin bolady. Qala turǵyndary men qonaqtary búgin sondaı-aq, Qazaqstannyń halyq artisi, halyqaralyq konkýrstardyń laýreaty Jánııa Áýbákirovanyń, sonymen qatar, Reseıdiń halyq ártisi Denıs Makarovtyń jáne Armenııa elinen kelgen ánshi Baljan Asatýrdyń oryndaýyndaǵy ánderdi tamashalaı alady. Kontsert ádettegideı keshki saǵ. 20.00-de bastalady.

Shara bastalǵannan beri dýmanǵa jınalǵan halyqta esep joq.

«Orkestrler sherýi» - Almaty qalasy ákimshiliginiń Qala kúnine arnaǵan, turǵyndarǵa taǵy bir syı tartýy bolyp tabylady.