Almatyda ashyq aspan astynda saq mádenıetiniń mýzeıi salynady
Almaty ákimdigi men ekinshi deńgeıli bir bank Rozybakıev-Shtraýs-Esqaraev-Radostovets kósheleri qıylysyndaǵy 2,7 ga jer ýchaskesin memleket menshigine qaıtarý jónindegi kelisimge qol jetkizdi.
«Rýhanı jańǵyrý» memlekettik baǵdarlamasy aıasynda saq qorǵany ornalasqan aýmaqta jańa mádenı ortalyq qurý josparlanǵan. Ashyq aspan astyndaǵy mýzeı kelýshilerdi Qazaqstan jerin mekendegen ertedegi kóshpendilerdiń baı tarıhymen tanystyryp, qalanyń jańa týrıstik kórneki ornyna aınalady.
Joba barysynda bizdiń eramyzǵa deıingi V ǵasyrda paıda bolǵan jartylaı qıraǵan qorǵandar, tas qorshaýlar, onyń joǵary jaǵyndaǵy saqınalardy qalpyna keltirý josparlanǵan.
Sáýlet eskertkishiniń ish jaǵynda artefaktylar saqtalǵan bólmeler, ertedegi kóshpendilerdiń tarıhy men mádenıetin pash etetin geografııalyq kıno kórsetetin aýdıovızýaldy zaldar bolady.
Eske salsaq, buǵan deıin Almaty ákimdiginde el Prezıdentiniń «Rýhanı jańǵyrý» baǵdarlamasyn júzege asyrýǵa oraı keńes ótip, onda Rozybakıev kóshesi boıyndaǵy «Mega» saýda ortalyǵy mańynan tabylǵan saq eskertkishiniń ornyna ashyq aspan astyndaǵy mýzeı salý jóninde usynys aıtylǵan edi.
Almaty ákimi Baýyrjan Baıbek bul usynysty qoldap, jerdi memleket menshigine qaıtarýdyń mehanızmin oılastyrýdy tapsyrǵan bolatyn.
«Men jerdi menshiktegen jandar óz tarıhymyzdy biledi jáne qurmetteıdi dep oılaımyn. Biz keıde tarıhymyzdyń joıylyp bara jatqanyn da baıqaımyz, al bul orny tolmas rýhanı, mádenı jáne ekonomıkalyq zııan shektiredi. Árıne, asfalt tósep, birdeńeni salýǵa bolady, biraq ákimdikke qaıtarsa, paıda zor bolatyny anyq», - degen edi Baýyrjan Baıbek.
Aıta ketý kerek, keshe «TURKUAZ GROUP OF COMPANIES» kompanııasy óz erkimen «ıÝjnyı» saıabaǵynda turǵyn úı keshenin salatyn jer ýchaskesin memleket paıdasyna qaıtarǵan edi.
Budan buryn ákimdiktiń qaýlysymen Qazaqstannyń «Atakent» iskerlik ortalyǵymen 23 gektar jerdi ýaqytsha jalǵa berý kelisiminiń kúshi joıyldy. Keıin basqarýshy kompanııa jeke menshiktegi taǵy da segiz gektar jerdi tegin qaıtarý jóninde mindetteme qabyldady.
Almatyda osy apta ishinde qalanyń kommýnaldyq menshigine qaıtarylǵan Baým baǵyn abattandyrý bastaldy. Júrgizilgen monıtorıng barysynda 2,5 gektar jerdi óz betterinshe basyp alǵandar anyqtaldy. Megapolıs basshysy zańǵa súıene otyryp, basyp alǵan baýdy qaıtarýdy jáne jasyldandyrý júrgizýdi tapsyrdy.
Bulardan ózge, Almaty ákimdigi qala ıppodromy men «Saıran»avtovokzalyn tarıhı- mádenı muranyń aldyn- ala jasalǵan tizimine engizdi. Osy sátten bastap ǵımarattyń syrtqy kelbetin ózgertýge, ishin qaıta josparlaýǵa, maqsatty paıdalanylýyn aýystyrýǵa, qorǵalatyn aımaqty buzýǵa tyıym salynady. Ǵımaratty jańartý jáne jóndeý jumystarynyń barlyǵy ókiletti organnyń kelisimimen ǵana jasalady.
