Almatyda ashyq ádebıet mektebinde jańa oqý jyly bastaldy

ALMATY. 5 qazan. QazAqparat - Búgin Almatydaǵy Saparǵalı Begalın atyndaǵy balalar kitaphanasynda Almatynyń ashyq ádebıet mektebiniń jańa oqý jylynyń ashylý rásimi ótti.

Ol 2014 jyldyń 31mamyryna deıin sozylady. Onda jańa oqý kýrsy qalalyq mádenıet basqarmasynyń qarjylaı qoldaýymen júrgizilmek. Almatynyń ashyq ádebıet mektebiniń tyńdaýshylary mártebesin túrli shyǵarmashylyq baıqaýlardyń jeńimpazdary atanǵan 50-den astam jazýshy, aqyn, dramatýrg ıelenip otyr. Onda dárister árbir senbi kúnderi 10-nan 18.00-ge deıin júrgiziletin bolady. Kýrs baǵdarlamasyna stılıstıka; ádebıet tarıhy men teorııasy; óner, kıno jáne dramatýrgııa tarıhy; shyǵarmashylyq psıhologııasy sııaqty dárister men tájirıbelik sabaqtar engizilgen. Mektepte qazaqstandyq áıgili fılologtar, ónertanýshylar, ádebıetshiler oqytýshylyq qyzmet jasamaq. Sondaı-aq jyl boıy sheteldik jazýshylardyń sheberlik-dáristeri de ótedi dep josparlanyp otyr.