Almatyda ashana órtenip 18 gaz ballony syrtqa shyǵaryldy
ALMATY. QazAqparat - Almatyda Turǵyt Ozal kóshesindegi ashana órtendi, dep habarlaıdy QazAqparat tilshisi qalalyq TJD baspasóz qyzmetine silteme jasap.
TJD resmı ókili Sandýǵash Baımuhambetovanyń aıtýynsha, órt týraly habarlama saǵat 13:33-te túsken.
"Paradaıs" ashanasynyń as úıinde tutanǵan órt jalyny japsarlas ornalasqan úılerdi sharpı bastaǵan.
Órtti sóndirý kezinde 50 lıtrlik 18 gaz ballony syrtqa shyǵaryldy.
Qyzyl jalyn 150 sharshy metrdi sharpydy. Órt sóndirýshiler tilsiz jaýdy saǵat 14:11-de óshirdi.
Tótenshe jaǵdaı saldarynan zardap shekkender joq.
