Almatyda asfalt opyrylyp, sý tasıtyn kólik qısaıyp qaldy
ALMATY. QazAqparat - Almatyda asfalt opyrylyp, sý tasıtyn kólik bir búıirine qısaıyp qaldy, dep habarlaıdy QazAqparat tilshisi oqıǵa ornynan.
Asqarov kóshesiniń boıyndaǵy jol jabyndysy jaqynda ǵana tóselgeni kórinip tur. Júrgizýshiniń aıtýynsha, kólik lezde bir jaǵyna qısaıa qalǵan.
«Dóńgelek jarylyp qaldy ma dep oıladym. Biraq shyǵyp qarasam, jol opyrylyp túsken eken», - dedi ol.
Qısaıyp qalǵan júk kóligin 2 býldozer súırep shyǵardy.
Aıta ketý kerek, oqıǵa ornynan jarty shaqyrymdaı tómen jerde de jańadan tóselgen asfalttiń shamamen 3 sharshy metr aýmaǵy opyrylyp túsken.
Turǵyndardyń aıtýynsha, jol jaqynda ǵana jamalǵan.
Osydan birneshe aı buryn Jangeldın kóshesinde de dál osyndaı jaǵdaı bolyp, ondaǵan kólik shuńqyrǵa túsip ketken bolatyn. Keıin belgili bolǵandaı, bul ýchaskede qazba jumystary júrgizilgen eken. Merdiger uıym topyraqty tyǵyzdamaı, ústin asfalttaı salǵan.
Tolassyz jaýynnan topyraq shógip, asfalt ta opyrylyp túsken.
