Almatyda asfalt opyrylyp, kósheniń ortasynda úlken shuńqyr paıda boldy
ALMATY. QazAqparat – Almatynyń Tóle Bı kóshesinde asfalt opyrylyp, jolda úlken shuńqyr paıda boldy, dep habarlaıdy QazAqparat tilshisi.
Oqys oqıǵanyń vıdeosy áleýmettik jelide taralǵan.
Qalalyq ákimdik bul oqıǵaǵa qatysty túsinikteme berdi.
«Tóle bı - Ótegen batyr kósheleriniń qıylysynda asfalt opyrylyp, úlken shuńqyr paıda boldy. Qazir «Almaty Sý» kompanııasy qalpyna keltirý jumystaryn júrgizip jatyr. Sodan keıin asfalt tóseledi», - dep habarlady Almaty qalasynyń Energotıimdilik jáne ınfraqurylymdyq damý basqarmasynan.
Óz kezeginde «Almaty Sý» kásiporny asfalt keshke deıin qalpyna keltiriletinin atap ótti.
«Búgin keshki saǵat 22-ge qaraı Tóle bı men Ótegen batyr kósheleriniń qıylysyndaǵy jol qalpyna keltiriledi. Aldyn ala zertteý derekteri boıynsha dıametri 2 metrge jýyq shuńqyr kóshe qıylysynyń astynan ótetin qalalyq kollektorlyq sektsııa D -1000 mm eden plıtasynyń buzylýyna baılanysty paıda boldy «, - dep tolyqtyrdy «Almaty Sý» MM.
