Almatyda asfalt opyrylyp ketti
ALMATY. QazAqparat - Almatyda asfalt opyrylyp, jolda úlken shuńqyr paıda boldy, dep habarlaıdy QazAqparat tilshisi.
Oqys oqıǵanyń vıdeosy áleýmettik jelide taralǵan.
«Almaty qalasy Alataý aýdany Aqshaǵyl kóshesi. Eki kún buryn qubyr jarylǵan. Eshkim eshteńe istemedi. Aqyry asfalt opyrylyp túsken»,- dedi jazba avtory.
Bul oqıǵaǵa qatysty qalalyq ákimdik túsinikteme berdi.
«Kók-Qaınar» shaǵynaýdanynda (Shańyraq-5) 2012 jyly Almaty qalasy energotıimdilik jáne ınfraqurylymdyq damý basqarmasynyń tapsyrysy boıynsha sýmen jabdyqtaý jelileri júrgizilip, paıdalanýǵa berilgen bolatyn. Qazirgi ýaqytta «Almaty Sý» MKK qyzmet kórsetedi. 2020 jyldyń 20 jeltoqsanynda saǵat 8:00-de «Almaty SÝ» MKK-na atalǵan másele boıynsha turǵyndardan ótinim kelip tústi. Kókqaınar (Shańyraq-5) shaǵynaýdanynda Aqshaǵyl kóshesiniń boıynda dıametri 160 mm sý ótkizgish qubyr ornalasqan Aqshaǵyl 119/2 meken-jaıyna jaqyn jerde qubyr jaryldy. Qazirgi ýaqytta «Almaty Sý « tarapynan jóndeý-qalpyna keltirý jumystary jedel júrgizilip jatyr. Jóndeý jumystary aıaqtalǵannan keıin jol jabyny mindetti túrde qalpyna keltiriledi», - dedi ákimdikten.
Atalǵan ýchaskege 30 úı qosylǵan. Bul úılerge esh zaqym kelmegen.
