Almatyda asfalt opyrylyp, avtobýs shuńqyrǵa túsip ketti
ALMATY. QazAqparat – Almatynyń Alataý aýdanynda asfalt opyrylyp, qoǵamdyq kólik shuńqyrǵa túsip ketti, dep habarlaıdy QazAqparat tilshisi.
Onyń sýreti áleýmettik jelide tarady.
«Alataý aýdany, Mádenıet (Rahat) yqsham aýdanynda bári opyrylyp jatyr. Bizde eshqashan jol jóndelgen emes, tek jamaýdyń ústine jamaý. Sondaı-aq jaıaý júretin jol da joq, bári jaramsyz. Kólikter men avtobýstar óte almaıdy», - dep jazdy jeli qoldanýshy. Almaty qalalyq Energetıka basqarmasynyń málimetinshe, qazir mamandar atalǵan mekenjaıǵa attanty. Opyrylyp túsken jer arnaıy lentamen qorshalǵan, jaqyn arada qalpyna keltirý jumystary júrgiziletin bolady.
«Svıazstroımehanızatsııa» JShS merdiger uıymynyń kepildi mindetteme negizinde Rahat (Mádenıet) shaǵyn aýdanynda magıstraldyq sý qubyry jáne káriz jelileriniń qurylysy boıynsha qurylys-montaj jumystary 2019 jyly aıaqtaldy. Qazirgi ýaqytta merdiger kompanııa qatty jaýyn-shashynnan keıin paıda bolǵan shuńqyrlardy toltyryp jatyr. Jaqyn arada qaıta qalpyna keltirý jumystaryn júrgizedi», - dep habarlady basqarmadan.
Foto: instagram.com/kris.p_kz
