Almatyda «Ásem kıim - áıel kórki» respýblıkalyq baıqaýynyń qorytyndy keshi ótedi
ALMATY. 22 qazan. QazAqparat /Názıra Eleýhan/ - Almatyda erteń, 23 qazan kúni Balýan Sholaq atyndaǵy sport kesheninde musylman qyz-kelinshekterge arnalǵan,
ulttyq aıshyqtaǵy zamanaýı kıim úlgilerine jarııalanǵan respýblıkalyq «Ásem kıim - áıel kórki-2011» baıqaýynyń qorytyndy keshi ótedi. Keshte Qazaqstan estrada juldyzdary dinı ánder oryndap, baıqaý júldegerleri marapattalatyn bolady.
Esterińizge sala ketsek, sán sheberleri arasynda ótetin atalmysh baıqaýdy - Qazaqstan Musylmandary Dinı basqarmasy bıyl jarııalaǵan bolatyn.
Talap boıynsha, musylman qyz-kelinshekterge arnalǵan kıimder sharıǵat talabyna saı, qazaqy naqyshtarmen árlengen, búgingi zamanǵa sáıkes keletin, sonymen qatar kıim úlgisi kórikti jáne qoǵamdyq oryndarda kúndelikti kıip júrýge jeńil ári yńǵaıly bolýǵa tıis.
Bas júlde - «Eń úzdik bas kıimge» - 750 000 teńge, І orynǵa - 500 000, ІІ orynǵa - 400 000, ІІІ orynǵa - 300 000 teńge (2 adamǵa) tigildi. Bunymen qatar, 150 000 teńgeden bes adamǵa yntalandyrý syılyqtary beriletin bolady.
Baıqaýdyń bas demeýshisi- «Meıirimdilik joly - 2010» qoǵamdyq qory.
