Almatyda asa qaýipti qylmysker ustaldy
ALMATY. Maýsymnyń 14-i. QazAqparat /Erbol Azanbek/ - Almatylyq polıtsııa qyzmetkerleri bir jarym jyl buryn qylmystyq toptyń 2 múshesin atyp óltirgen asa qaýipti qylmyskerdi ustady.
Esterińizge sala keteıik, 2009 jylǵy qańtardyń 1-i kúni Taldyqorǵanda «Rybachınskıe» qylmystyq tobynyń 2 múshesine qastandyq jasalǵan edi. Onyń biri 22 jasar J. oqıǵa ornynda ólse, 24 jasar onyń serigin dárigerler qutqarǵan bolatyn.
«Kúdikti sheteldik tapanshany qoldanǵan. Osy ýaqytqa deıin Qazaqstannyń ár qalasynda boı tasalap júrgen. Ótken aptanyń sońynda biz kúdiktiniń Almatyǵa kelip, jalǵan aty-jónmen páter jaldaǵany týraly aqparat aldyq. Ony ustaý tún ishinde, kúdikti túngi klýbtan shyǵyp kele jatqan kezinde júzege asyryldy», deıdi qalalyq ІІD-niń uıymdasqan qylmyspen kúres basqarmasynyń bastyǵy, polıtsııa polkovnıgi Valerıı Kozlov. Onyń aıtýynsha, kúdiktiniń ustalǵany týraly Almaty oblysyndaǵy áriptesterine habar berilgen. Jaqyn kúnderi kúdikti Taldyqorǵanǵa jetkizilip, qylmystyq is qozǵalady. «Kúdiktini ustaý bizdiń basqarma men esirtki bıznesimen kúres basqarmasy, Jol polıtsııasy basqarmasynyń birlese qımyldaýymn júzege asyryldy», deıdi V.Kozlov.
