Almatyda asa iri kólemdegi kontrabandanyń joly kesildi
ALMATY. Aqpannyń 16-sy. QazAqparat /Názıra Eleýhan/ - Almaty qalasynyń Halyqaralyq áýejaıy kedeninde Amerıka Qurama Shtattarynan ushyp kelgen Qazaqstan Respýblıkasynyń áıel azamaty elge iri mólsherde asyl buıymdar alyp kirý kezinde ustaldy,
dep habarlaıdy QazAqparat.
Almaty qalasy boıynsha Kedendik baqylaý departamentiniń «Jetisý» keden beketi men kontrabandamen kúres basqarmasynyń qyzmetkerleri tekserý barysynda odan shamamen jarty mıllıon dollarǵa baǵalanatyn asa qundy áshekeı buıymdary men baǵaly saǵattardy tárkiledi.
Qazirgi kezde buıymdar saraptama jumystarynan ótkizilýde. Qylmystyq is qozǵaý máseleleri de sheshilýde. Ústimizdegi jyldyń basynan beri zergerlik buıymdarǵa baılanysty 3 jáne ekonomıkalyq kontrabandaǵa qatysty 4 derek boıynsha qylmystyq ister qozǵalyp, anyqtamalyq sharalar júrgizilýde, dep habarlaıdy Almaty qalasy boıynsha KBD-niń baspasóz-qyzmeti.
