Almatyda asa iri kólemde qarjy jymqyrǵan kásipkerge sot úkimi shyqty

ASTANA. QazAqparat – Qarjylyq monıtorıng agenttigi «Almaty Kuat» JShS dırektoryna qatysty alaıaqtyq jáne asa iri kólemde qarjyny zańdastyrý (jylystatý) faktisi boıynsha sotqa deıingi tergep-tekserýdi isin aıaqtady, dep habarlady QazAqparat.

Tergeý barysynda JShS dırektory Almaty qalasynyń ındýstrıaldy aımaǵyna qatysýshy 10-nan astam sharýashylyq júrgizýshi sýbektilerimen elektr energııasyn jetkizý shartyn jasasyp, tutynýshylardy, sondaı-aq óndirýshi jáne jetkizýshi uıymdardy alaıaqtyq jolmen tólem shottaryn jazǵany anyqtaldy. Sonymen qatar kásipkerler eki jyl boıy elektr energııasy úshin negizsiz aqy tólep kelgeni belgili boldy. Osylaısha ol jalpy somasy 620 mln teńgeden astam shyǵyn keltirgen.

«Jedel-izdestirý sharalary barysynda joǵaryda atalǵan JShS dırektorynyń mámileler arqyly qylmystyq jolmen alynǵan aqshalaı qarajattardy zańdy aınalymǵa túsirgeni anyqtaldy. Sot qaýlysymen jalpy somasy 134 mln teńgeden astam jer telimderi men qural-jabdyqtarǵa tyıym salyndy», – delingen habarlamada.

Sot úkimimen JShS dırektory kináli dep tanylyp, múlki tárkilenip, 6,5 jylǵa bas bostandyǵynan aıyryldy.