Almatyda as berilgen dámhana jumysy shekteldi
ALMATY. QazAqparat – Almatyda Naýryzbaı aýdanynda 60-tan asa adamnyń basyn qosyp as bergen dámhana jumysyna shekteý qoıdy. Bul týraly onlaın brıfıng barysynda qalanyń bas sanıtarııalyq dárigeri Jandarbek Bekshın aıtty, dep habarlaıdy QazAqparat tilshisi.
Onyń aıtýynsha, Naýryzbaı aýdanynda júrgizilgen tekserý kezinde «Almaty», «Panorama» dámhanalarynda epıdemıologııalyq talaptar saqtalmaǵany anyqtaldy.
«Bul dámhanada maskasyz, eshbir epıdemıologııalyq talaptardy saqtamaı 60-tan asa adamnyń basy qosylyp, as berilgen. Monıtorıng toptary osyndaı zańbuzýshylyqty toqtatty. Túsindirý jumystarynan soń jınalǵan adamdar úılerine tarady. Kórip otyrsyzdar, analız boıynsha as bergen kezde koronavırýs juqtyrý jaǵdaıy tirkeldi. Qaraǵandy oblysynda bolǵan asta bolǵan 50 adamnan 23 adamǵa vırýs juqqanyn bilesizder», - dedi Jandarbek Bekshın.
Qazir Departament dámhana jumysyna shekteý qoıdy.
