Almatyda aryqtan jańa týǵan náreste tabyldy
ALMATY. QazAqparat –Almatyda aryqqa jańa týǵan nárseteni tastap ketken, abyroı bolǵanda sábı aman, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, túngi saǵat 01:00-der shamasynda Almaty turǵynynan aryqtan bala taýyp alǵany týraly habar tústi.
Belgili bolǵandaı, jańa týǵan náresteni Almaly aýdanynyń Raıymbek dańǵyly boıyndaǵy aryqqa tastap ketken. Kýáger oqıǵa ornyna dereý jedel járdem men polıtsııa qyzmetkerlerin shaqyrǵan. Bala birden aýrýhanaǵa jetkizildi.
«Qazirgi ýaqytta Almaly aýdandyq PB janyndaǵy polıtsııa bólimi balanyń bıologııalyq anasynyń ornalasqan jerin anyqtaý jáne polıtsııaǵa tapsyrý úshin jedel-izdestirý sharalaryn júrgizýde»,– delingen Polıtsııa taratqan aqparatta.
