Almatyda aryqtan tabylǵan áıeldi óltirgen kúdikti 2 aıǵa qamaldy
ALMATY. QazAqparat - Almatyda aryqtan tabylǵan áıeldi óltirdi degen kúdikpen er adam ustaldy. Bul týraly QR ІІM QazAqparat tilshisiniń osy oqıǵa boıynsha joldaǵan resmı saýalyna jaýabynda aıtylǵan.
«Atalǵan derek QR QK 99- babynyń 1-bólimimen sotqa deıingi biryńǵaı tergeý reestrine tirkeldi. Qazir kúdikti ustaldy. Sotqa deıingi tergeý jumystary jalǵasyp jatyr»,-dedi QR ІІM.
Almaty qalalyq sotynan habarlaǵandaı, er adam 2 aıǵa qamaýǵa alynǵan.
«№2 Medeý aýdandyq soty er adamdy bultartpaý sharasy týraly sanktsııa shyǵardy. Endi ol 2 aı boıy, ıaǵnı 2018 jyldyń 9-qyrkúıegine deıin qamaýda bolady. Oǵan qatysty QR QK 99-babynyń 1-bólimi boıynsha is qozǵaldy», - dedi qalalyq sottyń baspasóz qyzmetinen.
Eger onyń kinási dáleldense, 8 jyldan 15 jylǵa deıin bas bostandyǵynan aırylýy múmkin.
Aıta ketý kerek, jantúrshigerlik oqıǵa 9-shildede bolǵan edi. Ál-Farabı kóshesindegi aryqtardyń birinen 26 jastaǵy áıeldiń denesi tabylǵan.
Munyń aldynda redaktsııaǵa qaıtys bolǵan áıeldiń tanysy habarlasyp, bolǵan oqıǵany baıandap bergen bolatyn. Onyń aıtýynsha, kelinshekti basqa qalada turatyn kúıeýi óltirgen.
