Almatyda «Arýaq» fılminiń tusaýkeseri ótti

Fılmde basty róldi qazaq kınosynyń metri Asanáli Áshimov somdaıdy. QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasy túsirgen kartınanyń rejısseri - Qýat Ahmetov.

«Ideıa avtory Asanáli Áshimov. 2014 jyl. Elden shalǵaı turatyn qart týraly fılm túsirýdi usyndy. Asanáli aǵanyń oıy boıynsha qarııa - dala fılosofy, túrli ǵylymǵa qyzyǵatyn adam», - dedi Qýat Ahmetov.

Kartına eki keıipkerdiń - Aǵataı qart pen jetim balanyń kezdeısoq ushyrasýy týraly baıandaıdy. Fılm 2018 jyly óndiriske jiberilip, byltyr kóktemde aıaqtalǵan. Túsirilimder Almaty oblysynda, Іle ózeni jaǵalaýynda ótken. Fılmniń stsenarııin túrki elderiniń ertegileri men ańyz-áńgimeleri jelisi boıynsha Qýat Ahmetov pen Odılsha Agıshev jazyp shyqqan.
«Arýaq» fılminiń baspasózge arnalǵan kórsetilimi men tusaýkeseri kınoteatrymyzdyń ashylý kúnine oraılastyrylýy, bizdiń «Qazaqfılm» kınostýdııasymen qatynasymyzdyń alǵashqy qadamy dep bilemin. Biz otandyq kıno óndirýshi kompanııamen uzaq merzimdi seriktestikte jumys jasaýdy josparlap, onyń fılmderin kórermenge jetkizýde bárin jasaımyz», - dedi Chaplin Cinemas kınoteatrlar jelisiniń kommertsııalyq dırektory Dmıtrıı Kırıenko.
«Arýaq» fılmi jaıly: Aǵataı esimdi qarttyń eshkimi joq. Súıgen jary qaıtys bolǵan. Aralarynda balalary bolmaǵan. Aǵaıyn-týysqandary da qalmaǵan. Fılmge óz ortasynan bezip, dalaǵa baryp turýdy kózdegen qart kisiniń ómiri arqaý bolǵan. Áıtse de danagóı, pálsapashynyń jolynda balalar úıinen qashyp shyqqan Bóbek degen kishkentaı, elgezek bala kezigip, onyń bastapqy josparyn buzyp ketedi.

Qýat Ahmetov - kınorejısser, kınodramatýrg. Reseı kınematografıster odaǵynyń múshesi. Reseı kınorejısserleri gıldııasynyń múshesi. Reseı kınematografııasy Komıtetiniń stsenarıster jáne rejısserler joǵarǵy kýrsyn tamamdaǵan(Gennadıı Polokı sheberhanasynda, 1993 jyl).

Eske sala ketsek, 71-shi Kann kınofestıvalinde «Arýaq» fılminiń tanystyrylymy ótken bolatyn.